Biskota me Çokollatë dhe Melasë
December 2, 2015 2015-12-02 0:00Biskota me Çokollatë dhe Melasë
Kur Dhjetori hyn mes nesh, unë gjithmonë kam shumë melasë në shtëpi. Pikë së pari sepse bëj biskotat e mia me xhinxher; kjo është dhe arsyeja kryesore pse unë e blej melasën.
Pasi poqa një numër të madh biskotash, mbeta me një kavanoz pothuaj plotë me melasë. Kjo është dhe pika ku unë u bëra kreative dhe nisa të eksperimentoja me të. Këto biskota janë të buta, elastike dhe të shijshme; një zgjedhje ideale për të bërë dhe sanduiç me akullore.
- Në këtë recetë nuk kam shtuar erëza, por ndjehuni të lirë të shtoni pak xhinxher pluhur, kanellë dhe karafil të bluar. (unë i kam provuar të dyja versionet dhe më besoni kur them se të dyja janë po njëlloj të shijshme)
Proçedura :
Përzieni së bashku miellin, kakaon e hidhur (siteni nëse është me kokrriza), kripën dhe fryrësin e ëmbëlsirave dhe lëreni mënjanë
Në një tas të madh rrihni së bashku gjalpin e shkrirë dhe 2 llojet e sheqerërave
Shtoni vezën, vaniljen dhe melasën
Shtoni përbërësit e thatë tek masa e lëngët dhe përzieini deri sa të jenë kombinuar
Mpikseni brumin në frigorifer për 20-30 minuta
Ndizni furrën në temperaturë 190°C
Shtroni në 2 tepsia biskotash letra furre
Vendosni sheqer të bardhë në një tas
Ndajeni brumin dhe formoni topa duke përdorur lugë të mbushura me brum ose lugë të vogël akulloreje
Zhytini topat në sheqer
Vendosini në tavën e pjekjes duke i lënë hapësirë mes njëra-tjetrës pasi këto biskota hapen teksa piqen
Piqini derisa të fryhen dhe të nisin të çahen (7 deri në 8 minuta, jo më shumë)
Menjëherë pasi ti keni hequr nga furra, jepini teksisë një të shkundur të fortë që biskotat të marrin formën e tyre
Lërini biskotat të ftohen plotësisht
Fotografitë nga unë